(ភ្នំពេញ)៖ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានថ្លែងបញ្ជាក់ថា មកដល់ពេលនេះ គម្រោងសាងសង់ព្រែកជីកហ្វូណនតេជោ ស្ថិតក្នុងដំណាក់កាលវាល់វែង និងដោះស្រាយផលប៉ះពាល់ប្រជាពលរដ្ឋហើយ ខណៈដែលការដោះស្រាយផលប៉ះពាល់ធ្វើឡើងតាមយន្តការដោះស្រាយផលប៉ះពាល់របស់រាជរដ្ឋាភិបាល ដឹកនាំដោយក្រសួងសេដ្ឋកិច្ច ​និងហិរញ្ញវត្ថុ និងដោយមានការចូលរួមពីមន្ត្រីបច្ចេកទេសក្រសួងសាធារណការ និងដឹកជញ្ជូន, អាជ្ញាធរដែនដី និងប្រជាពលរដ្ឋ។ ថ្លែងប្រាប់បណ្តាញព័ត៍មាន Fresh News នាថ្ងៃទី២២ ខែតុលា ឆ្នាំ២០២៥នេះ លោក ផន រឹម បានបន្ថែមថា មកដល់ពេលនេះក្រុមការងារដោះស្រាយផលប៉ះពាល់កំពុងធ្វើសកម្មភាពនៅកំណាត់ទី២ (ក្នុងខេត្តកណ្តាល) ដោយបានអង្កេត វាស់វែង និងចងក្រងទិន្នន័យផលប៉ះពាល់លម្អិតលើសំណង់ លំនៅដ្ឋាន និងដីស្រែ នៅស្រុកកោះធំ។ ក្រុមការងារបានសម្ភាសន៍ និងផ្ដិតមេដៃប្រជាពលរដ្ឋរងផលប៉ះពាល់ព្រមទាំងបានរៀបចំវេទិកាពិភាក្សា និងការសម្របសម្រួលជាមួយប្រជាពលរដ្ឋជាបន្តបន្ទាប់។ បើតាមលោក ផន រឹម គម្រោងព្រែកជីហ្វូណនតេជោ គឺជាគម្រោងប្រវតិ្តសាស្រ្តរបស់កម្ពុជា ហើយត្រូវបានចាត់ទុកជាការបោះជំហានដ៏សំខាន់មួយក្នុងប្រវត្តិសាស្រ្តរបស់កម្ពុជាក្នុងការកែប្រែមុខមាត់កម្ពុជា ក្នុងវិស័យនាវាចរណ៍ និងការដឹកជញ្ជូនតាមផ្លូវទឹក និងផ្លូវសមុទ្ររបស់កម្ពុជាផងដែរ។ ផ្លូវទឹកប្រវត្តិសាស្រ្តមួយខ្សែនេះឆ្លងកាត់ខេត្តចំនួន៤ រួមមាន៖ ខេត្តកណ្តាល ខេត្តតាកែវ ខេត្តកំពត និងខេត្តកែប ហើយត្រូវបានរចនាឡើងសម្រាប់នាវាដែលមានទម្ងន់ផ្ទុករហូតដល់ ៣ […]

(វ៉ាស៊ីនតោន)៖ កិច្ចប្រជុំកំពូលដែលត្រូវបានគ្រោងទុករវាងប្រធានាធិបតីអាមេរិក លោក ដូណាល់ ត្រាំ និងប្រធានាធិបតីរុស្ស៉ី លោក វ្ល៉ាឌីមៀ ពូទីន ត្រូវបានពន្យារពេល បន្ទាប់ពីទីក្រុងមូស្គូ បានច្រានចោលសំណើបទឈប់បាញ់បន្ទាន់មួយនៅអ៊ុយក្រែន ដែលនេះកំពុងធ្វើឱ្យមានភាពមិនច្បាស់លាស់លើកិច្ចប្រឹងប្រែងស្ដារកិច្ចចរចាឡើងវិញដើម្បីស្វែងរកដំណោះស្រាយបិទបញ្ចប់ សង្រ្គាម។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី២២ ខែតុលា។ មន្ត្រីជាន់ខ្ពស់អាមេរិកម្នាក់បានប្រាប់ទីភ្នាក់ងារសារព័ត៌មាន Reuters មិនមានគម្រោងសម្រាប់លោកប្រធានាធិបតី ត្រាំ ជួបលោកប្រធានាធិបតី ពូទីន ក្នុងពេលអនាគតដ៏ខ្លីខាងមុខនោះទេ ក្រោយរដ្ឋមន្ត្រីការបរទេសអាមេរិក លោក Marco Rubio និងរដ្ឋមន្ត្រីការបរទេសរុស្ស៉ី លោក Sergei Lavrov សម្រេចចិត្តលុបចោលជំនួបដោយផ្ទាល់ដែលត្រូវបានគ្រោងទុកថានឹងរៀបចំ ឡើងនៅទីក្រុង Budapest នៅក្នុងសប្ដាហ៍នេះ។ លោក ត្រាំ កាលពីសប្ដាហ៍មុន បានប្រកាសថារូបលោក និងលោក ពូទីន នឹងត្រូវជួបគ្នាឆាប់ៗ ក្នុងប្រទេសហុងគ្រី ដើម្បីជំរុញកិច្ចប្រឹងប្រែងស្វែងរកសន្តិភាពឆ្ពោះទៅមុខ ប៉ុន្តែការបដិសេធរបស់ ទីក្រុងមូស្គូពិចារណាលើសម្បទាន បានធ្វើឱ្យការរៀបចំកិច្ចប្រជុំត្រូវជាប់គាំង។ រុស្ស៉ីបានទទូចថាអ៊ុយក្រែនត្រូវតែបោះបង់ចោលទឹកដី មុននឹងបទឈប់បាញ់ណាមួយចូលជាធរមាន៕ ផ្តល់សិទ្ធិដោយ៖ Fresh News

(សៀងហៃ-ចិន)៖ លោក ម៉ាង ស៊ីណេត អភិបាលខេត្តព្រះសីហនុ នៅព្រឹកថ្ងៃទី២១ ខែតុលា ឆ្នាំ២០២៥នេះ បានអញ្ជើញទទួលជួបសម្តែងការគួរសម និងពិភាក្សាការងារជាមួយតំណាងក្រុមហ៊ុន Shanghai EnSiKai Investment (Group) Co., Ltd. ដែលជារោងចក្រផលិតរថយន្ត និងគ្រឿងចក្រដ៏សំខាន់មួយរបស់ប្រទេសចិន។ អភិបាលខេត្តព្រះសីហនុ បានថ្លែងថា ក្រុមហ៊ុននេះផ្តោតលើការវិនិយោគសមធម៌ឧស្សាហកម្ម ការផលិតគ្រឿងម៉ាស៊ីន និងការរួមបញ្ចូលខ្សែសង្វាក់ផ្គត់ផ្គង់ធនធានមូលធនជាមួយនឹងជំនាញបច្ចេកទេស ដើម្បីជំរុញកំណើនឧស្សាហកម្មរយៈពេលវែង។ ក្នុងជំនួបនេះទៀតសោត លោក ម៉ាង ស៊ីណេត បានឱ្យដឹងថា ក្រុមហ៊ុនមានបំណងចង់សិក្សាស្វែងយល់ពីឱកាសវិនិយោគនៅប្រទេសកម្ពុជា ក៏ដូចជាខេត្តព្រះសីហនុ។ គូសបញ្ជាក់ជូនថា រដ្ឋបាលខេត្តព្រះសីហនុ បានត្រៀមខ្លួនរួចជាស្រេចក្នុងការសហការ និងសម្របសម្រួលជូនអ្នកវិនិយោគទាំងអស់ដែលមានបំណងចង់មកវិនិយោគនៅខេត្តព្រះសីហនុ ឱ្យបានឆាប់រហ័ស តម្លាភាព និងមានប្រសិទ្ធភាពខ្ពស់៕ ផ្តល់សិទ្ធិដោយ៖ Fresh News

(ភ្នំពេញ)៖ លោក សាន់តូ ជាម៉ូស៊ូម៉ាតូ (H.E Mr.Santo Damosumarto ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋឥណ្ឌូនេស៊ី ប្រចាំព្រះរាជាណាចក្រកម្ពុជា គ្រោងនឹងបង្កើតឱ្យមានផ្សាររាត្រីឥណ្ឌូនេស៊ីមួយ នៅលើផ្លូវថ្មើរជើងចតុមុខ។ គម្រោងនេះនឹងត្រូវធ្វើឡើងនៅថ្ងៃទី២២ ឬថ្ងៃទី២៣ ខែវិច្ឆិកា ឆ្នាំ២០២៥ ខាងមុខនេះ ដើម្បីបង្ហាញពីវប្បធម៌ទំនៀមទំលាប់ របាំប្រពៃណី និងម្ហូបអាហារឥណ្ឌូនេស៊ីនៅទីនេះ។ នេះជាការបង្ហាញជាមួយនឹងការសូមអនុញ្ញាតពីអាជ្ញាធររាជធានីភ្នំពេញ ក្នុងជំនួបសម្ដែងការគួរសម រវាងលោក ឃួង ស្រេង អភិបាលរាជធានីភ្នំពេញ និងលោក សាន់តូ ជាម៉ូស៊ូម៉ាតូ នារសៀលថ្ងៃទី២១ ខែតុលា ឆ្នាំ២០២៥នេះ នៅសាលារាជធានីភ្នំពេញ។ លោក សាន់តូ ជាម៉ូស៊ូម៉ាតូ បានថ្លែងថា រាជធានីភ្នំពេញ ជាមជ្ឈមណ្ឌលសេដ្ឋកិច្ច ពាណិជ្ជកម្ម ទេសចរណ៍ វប្បធម៌ ហើយអ្វីដែលស្ថានទូតសាធារណរដ្ឋឥណ្ឌូនេស៊ីចង់បាន គឺធ្វើការវិនិយោគ សេដ្ឋកិច្ច ពាណិជ្ជកម្ម និងសហប្រតិបត្តិការជាមួយកម្ពុជា។ ប្រជាពលរដ្ឋឥណ្ឌូនេស៊ីនៅកម្ពុជា មានកំណើនកាន់តែកើនឡើង។ ទន្ទឹមនិងកំណើននេះ លោកក៏បានថ្លែងនូវការអរគុណ ចំពោះអាជ្ញាធររាជធានីភ្នំពេញ ដែលបានយកចិត្តទុកដាក់ ក្នុងការសម្រួលដល់ការរស់នៅ និងការរកស៊ីរបស់ប្រជាពលរដ្ឋឥណ្ឌូនេស៊ីនៅរាជធានីភ្នំពេញ។ មកដល់ពេលនេះនៅរាជធានីភ្នំពេញ […]

(ភ្នំពេញ)៖ ដោយផ្អែកលើលទ្ធផលស៊ើបអង្កេតរបស់សមត្ថកិច្ច លោក ធន់ ដារិទ្ធ ចៅក្រមស៊ើបសួរ សាលាដំបូងរាជធានីភ្នំពេញ នៅថ្ងៃទី២១ ខែតុលា ឆ្នាំ២០២៥ បានចេញដីកាចំនួន២ បង្គាប់ឱ្យឃុំខ្លួនបណ្តោះអាសន្ន លើជនជាតិវៀតណាមចំនួន២នាក់ គឺទី១ ឈ្មោះ PHAM VAN TIEP ភេទប្រុស អាយុ៣៤ ឆ្នាំ និងទី២ឈ្មោះ TRINH XUAN LUC ភេទប្រុស អាយុ ៣៤ឆ្នាំ នៅមណ្ឌលអប់រំកែប្រែទី១ “ម១” ដើម្បីបន្តនីតិវិធីរបស់តុលាការ។ ជនត្រូវចោទទាំងពីរនាក់នេះ ត្រូវបានដាក់ឱ្យស្ថិតនៅក្រោមការអនុវត្តនីតិវីធី ពិនិត្យពីបទឆបោកជាក្រុមមានការចាត់តាំង ដែលមានចែងឱ្យផ្តន្ទាទោសតាម បញ្ញត្តិមាត្រា៣៧៧ និងមាត្រា ៣៨០ នៃក្រមព្រហ្មទណ្ឌ, ពីបទ អ្នកបើក កន្លែងលេងល្បែងស៊ីសង អ្នកកាន់កាប់ល្បែងស៊ីសង អ្នកចាត់ចែង និងភ្នាក់ងារស៊ីសង ដែលមានចែងឱ្យផ្តន្ទាទោសតាមបញ្ញត្តិមាត្រា៥ នៃច្បាប់ស្តីការបង្ក្រាបល្បែងស៊ីសងខុសច្បាប់, ពីបទ ចូលមកដោយ ខុសច្បាប់ក្នុងព្រះរាជាណាចក្រកម្ពុជា ដែលមានចែងឱ្យផ្តន្ទាទោស តាមបញ្ញត្តិមាត្រា២៩ នៃច្បាប់អន្តោប្រវេសន៍។ សូមរម្លឹកថា ជនត្រូវចោទទាំងពីរនាក់នេះ ស្ថិតក្នុងចំណោមបុរសជនជាតិ […]

(ភ្នំពេញ)៖ ជាថ្មីម្តងទៀត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២០ ខែតុលា ឆ្នាំ២០២៥នេះ បានបញ្ជាក់ច្បាស់ថា ទីតាំងអាកាសយានដ្ឋានអន្តរជាតិភ្នំពេញ (ព្រលានយន្តហោះពោធិ៍តុង) រដ្ឋគ្មានផែនការលក់ដូរទៅឯកជននោះឡើយ នៅតែជាអចលនទ្រព្យ ដែលគ្រប់គ្រងដោយរដ្ឋដដែល មានរដ្ឋលេខាធិការដ្ឋានអាកាសចរណ៍ស៉ីវិល ជាអ្នកថែទាំ។ សម្តេចបញ្ជាក់ថា ព្រលានយន្តហោះអន្តរជាតិភ្នំពេញ អាចនឹងត្រូវបម្រុងទុកក្នុងគោលដៅចំនួនពីរ គឺ​សម្រាប់​ចុះ​ចត​យន្តហោះ​ម្តង​ម្នាល ​នៅ​ពេល​មាន​កកស្ទះ ឬ​មាន​ហា​និ​យ​ភ័យ​នៅ​ព្រ​លាន​យន្ត​ថ្មី និង២. ​ធ្វើ​ជា​សួន​សាធារណៈ​សម្រាប់​ប្រជាពលរដ្ឋ​ប្រើប្រាស់ ដូច​ជា​កន្លែង​សម្រាប់​លំហែកាយ​។ បន្ថែមពីនេះ សម្តេចបញ្ជាក់ថា សម្រាប់អគារដែលមានក្នុងព្រលានយន្តហោះចាស់នេះ អាចនឹងប្រើប្រាស់យន្តការភាពជាដៃគូរវាងរដ្ឋ និងឯកជន (PPP) ដែលរដ្ឋសហការជាមួយឯកជន ដើម្បីទាញយកផលប្រយោជន៍សេដ្ឋកិច្ច ពាណិជ្ជកម្ម សម្រាប់បម្រើដល់ការថែទាំទីតាំងនេះ ប៉ុន្តែរៀបចំនេះមិនត្រូវធ្វើឱ្យប៉ះពាល់ដល់ផ្លូវរត់យន្តហោះនោះឡើយ។ សម្តេចនាយករដ្ឋមន្ត្រីបន្ថែមទៀតថា សម្រាប់អគារកន្លះអាចរៀបចំបង្កើតឱ្យក្លាយជាសារមន្ទីរផងដែរ ព្រោះព្រលានយន្ដពោធិ៍ជិនតុងនេះ ជាស្នាព្រះហស្ថរបស់ព្រះបរមរតនកោដ្ឋ សម្តេចព្រះនរោតម្ត សីហនុ ដូច្នេះត្រូវថែរក្សាទុកឲ្យបានល្អ។ ការថ្លែងបញ្ជាក់ជាថ្មីរបស់ សម្តេចមហាបវរធិបតីនាយករដ្ឋមន្ត្រី ធ្វើឡើងក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការ អាកាសយានដ្ឋានអន្តរជាតិតេជោ (TIA) លំដាប់ថ្នាក់ 4F ដែលចំណាយថវិកាសាងសង់អស់ ២,៣០០លានដុល្លារសហអាមេរិក នៅព្រឹកថ្ងៃទី២០ ខែតុលា ឆ្នាំ២០២៥នេះ។ […]

(វ៉ាស៊ីនតោន)៖ មេបញ្ជាការកងទ័ពជើងទឹកអាមេរិកប្រចាំតំបន់អាមេរិកឡាទីន នឹងលាលែងចេញពីតំណែងនៅដំណាច់ឆ្នាំ២០២៥នេះ ២ឆ្នាំមុនចូលនិវត្តន៍។ នេះជាការបញ្ជាក់របស់ រដ្ឋមន្ត្រីការពារជាតិអាមេរិក Pete Hegseth កាលពីថ្ងៃព្រហស្បតិ៍ ទី១៦ ខែតុលា នៅក្នុងការប្រកាសដ៏គួរឱ្យភ្ញាក់ផ្អើលមួយចំពេលរដ្ឋបាលលោក ត្រាំ កំពុងសម្ញែងសាច់ដុំយោធាដាក់វ៉េណេស៊ុយអេឡា។ មន្ត្រីអាមេរិកម្នាក់ដែលបានដឹងពីបញ្ហាខាងលើ បានប្រាប់ទីភ្នាក់ងារសារព័ត៌មាន Reuters ក្នុងលក្ខខណ្ឌមិនបញ្ចេញឈ្មោះថាមានភាពតានតឹងរវាងលោកឧត្តមនាវី Alvin Holsey និងលោក Hegseth ពាក់ព័ន្ធនឹងប្រតិបត្តិការនៅក្នុងតំបន់សមុទ្រ Caribbean។ សមាជិកព្រឹទ្ធសភាអាមេរិក លោក Jack Reed ដែលជាសមាជិកនៃ គណៈកម្មាធិការសេវាប្រដាប់អាវុធនៃព្រឹទ្ធសភា មកពីគណបក្សប្រជាធិបតេយ្យ បានចាត់ទុកថាប្រកាសពីលាលែងពីតំណែងដ៏គួរឱ្យភ្ញាក់ផ្អើលរបស់លោក Holsey ជាបញ្ហាមួយ ស្របពេលមានការភ័យខ្លាចពីហានិភ័យនៃការផ្ទុះឡើងនូវជម្លោះរវាងសហរដ្ឋអាមេរិកជាមួយវ៉េណេស៊ុយអេឡា។ នៅក្នុងការបង្ហោះលើបណ្ដាញទំនាក់ទំនងសង្គម X លោក Hegseth មិនបានបញ្ជាក់ពីមូលហេតុនៃការលាលែងពីតំណែងរបស់លោក Holsey នោះទេ។ លោក Holsey វិញបាននិយាយថារូបលោកនឹងត្រូវចូលនិវត្តន៍នៅថ្ងៃទី១២ ខែធ្នូខាងមុខនេះ។ គួរបញ្ជាក់ថា ការលែងចេញពីតំណែងរបស់លោក Holsey កើតមានឡើងចំពេលសហរដ្ឋអាមេរិកកំពុងបង្កើនវត្តមានយោធានៅក្នុងតំបន់ Caribbean ក្នុងនោះរួមមានទាំង ការដាក់ពង្រាយនាវាពិឃាដប្រដាប់ដោយមីស៊ីល យន្ដហោះចម្បាំង F-35 នាវាមុជទឹកនុយក្លេអ៊ែរ […]

(ភ្នំពេញ)៖ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងបញ្ជាក់ថា គិតមកដល់ពេលនេះក្រសួងសាធារណការ និងដឹកជញ្ជូន បាននិងកំពុងធ្វើការជាមួយក្រសួងសេដ្ឋកិច្ច និងហិរញ្ញវត្ថុ លើការរៀបចំនីតិវិធី ជំរុញឱ្យក្រុមហ៊ុនធ្វើអាជីវកម្មដឹកជញ្ជូនផ្លូវគោកទាំងអស់ ត្រូវមានប័ណ្ណសន្យាធានារ៉ាប់រងជា កាតព្វកិច្ចសម្រាប់អាជីវកម្មរបស់ខ្លួន។ លោក ប៉េង ពោធិ៍នា បានថ្លែងដូចនេះ នារសៀលថ្ងៃទី១៦ ខែតុលា ឆ្នាំ២០២៥នេះ នាឱកាសដែលលោកបានអញ្ជើញជាអធិបតី ក្នុងពិធីប្រកាសដាក់ឱ្យប្រើប្រាស់ជាផ្លូវការ «ប្រព័ន្ធស្វ័យប្រវត្តិកម្មនៃការដាក់ពាក្យស្នើសុំលិខិត អនុញ្ញាតធ្វើអាជីវកម្មដឹកជញ្ជូនក្នុងប្រទេស និងឆ្លងដែនតាមផ្លូវគោក» ដោយមានការចូលរួមពីថ្នាក់ដឹកនាំក្រសួង មន្រ្តីពាក់ព័ន្ធ ភ្ញៀវកិត្តិយសជាច្រើនរូប។ លោក ប៉េង ពោធិ៍នា បានថ្លែងដូចនេះថា «ក្រសួងសាធារណការ និងដឹកជញ្ជូន បាននិងកំពុងធ្វើការជាមួយក្រសួងសេដ្ឋកិច្ច និងហិរញ្ញវត្ថុ លើការរៀបចំនីតិវិធី ជំរុញឱ្យក្រុមហ៊ុនធ្វើអាជីវកម្មដឹកជញ្ជូនផ្លូវគោកទាំងអស់ ត្រូវមានប័ណ្ណសន្យាធានារ៉ាប់រងជា កាតព្វកិច្ចសម្រាប់អាជីវកម្មរបស់ខ្លួន ដូច្នេះសូមគ្រប់ភាគីពាក់ព័ន្ធទាំងអស់ ជាពិសេសសមាគមដឹកជញ្ជូន និងក្រុមហ៊ុនដឹកជញ្ជូន ចូលរួមពិភាក្សាលើការអនុវត្តការងារ ដើម្បីស្វែងយល់អំពីអត្ថប្រយោជន៍ និងដំណោះស្រាយលើបញ្ហាដែលបានជួបប្រទះនាពេលកន្លងមក»។ បន្ថែមពីនេះជាមួយនឹងការប្រកាសដាក់ឱ្យប្រើប្រាស់ជាផ្លូវការ «ប្រព័ន្ធស្វ័យប្រវត្តិកម្មនៃការដាក់ពាក្យស្នើសុំលិខិត អនុញ្ញាតធ្វើអាជីវកម្មដឹកជញ្ជូនក្នុងប្រទេស និងឆ្លងដែនតាមផ្លូវគោក លោក ប៉េង ពោធិ៍នា ក៏បានចូលរួមជាមតិយោបល់បន្ថែមមួយចំនួន ដើម្បីគ្រប់ភាគីពាក់ព័ន្ធទាំងអស់យកទៅពិនិត្យ និងរៀបចំជាយន្តការបន្ថែមដូចជា៖ ទី១៖ សូមអំពាវនាវដល់បងប្អូនប្រតិបត្តិករអាជីវកម្មដឹកជញ្ជូន […]

(ម៉ានីល)៖ ទីភ្នាក់ងារឃ្លាំមើលគ្រោះរញ្ជួយដីអាមេរិក USGS បានឱ្យដឹងថាគ្រោះរញ្ជួយដីកម្រិត ៦.១រ៉ិចទ័របានវាយប្រហារលើភាគខាងត្បូងនៃប្រទេសហ្វីលីពីន នៅថ្ងៃសុក្រ ទី១៧ ខែតុលា មួយសប្ដាហ៍ បន្ទាប់ពីគ្រោះរញ្ជួយដីកម្រិតធ្ងន់២លើកវាយប្រហារលើប្រទេសក្នុងតំបន់អាស៊ីអាគ្នេយ៍មួយនេះ។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។ ភ្លាមៗមិនមានសេចក្ដីរាយការណ៍ពីជនរងគ្រោះ ឬការខូចខាតនៅឡើយទេ។ នេះជាការគូសបញ្ជាក់របស់មន្ត្រីជួយសង្រ្គោះម្នាក់ប្រាប់ AFP។ តាម USGS គ្រោះរញ្ជួយដីខាងលើបានកើតឡើងនៅក្បែរ ទីក្រុង Dapa នៃខេត្ត Surigao del Norte និងជម្រៅរញ្ជួយទៅក្នុងដី ៦៩គីឡូម៉ែត្រ។ គ្រោះរញ្ជួយដីនៅថ្ងៃសុក្រនេះដែរកើតមានឡើងមួយសប្ដាហ៍ក្រោយគ្រោះរញ្ជួយដីកម្រិត ៧.៤រ៉ិចទ័រ និង៦.៧រ៉ិចទ័រ បានវាយប្រហារលើផ្នែកខាងកើតនៃកោះ Mindanao ដោយបានផ្ដាច់ជីវិតមនុស្សយ៉ាងហោច ៨នាក់។ គ្រោះរញ្ជួយដីទាំង២លើកនេះទៀតសោត កើតឡើងតែប៉ុន្មានថ្ងៃប៉ុណ្ណោះ បន្ទាប់ពីគ្រោះរញ្ជួយដីកម្រិត ៦.៩រ៉ិចទ័រ សម្លាប់មនុស្ស ៧៦នាក់ និងបំផ្លាញ ឬបង្កការខូចខាត ៧២ ០០០ខ្នង នៅក្នុងខេត្ត Cebu នៅភាគកណ្ដាលនៃប្រទេសហ្វីលីពីន។ ហ្វីលីពីនជាប្រទេសមួយមានទីតាំងស្ថិតនៅខ្សែក្រវាត់ភ្នំភ្លើងប៉ាស៊ីហ្វិក ដែលធ្វើឱ្យប្រទេសនេះជួបប្រទះនឹងគ្រោះរញ្ជួយដី ហើយក៏តែងតែជួបប្រទះនឹងព្យុះ ជាញឹកញាប់ផងដែរ៕ ផ្ដល់សិទ្ធិដោយ៖ Fresh News

(​ឥណ្ឌូនេស៉ី)៖ លោកឧកញ៉ា វណ្ណ សុខហេង ស្ថាបនិកផ្សារផលិតផលខ្មែរ ២៥ខេត្ត-ក្រុង បានលើកឡើងថា ក្រុមរបស់លោកកំពុងតែព្យាយាមទាក់ទាញពាណិជ្ជករឥណ្ឌូនេស៉ី ដើម្បីវិនិយោគនៅក្នុងខេត្តព្រះសីហនុ។ លោកឧកញ៉ាបានថ្លែងបែបនេះ ក្នុងឱកាសលោកនិងពាណិជ្ជករកម្ពុជា ប្រមាណ ២៥នាក់ ចូលរួមពិព័រណ៍ពាណិជ្ជកម្មអន្តរជាតិឥណ្ឌូនេស៉ី លើកទី៤០ នៅទីក្រុង BSD ដែលរៀបចំពីថ្ងៃទី១៥-១៩ ខែតុលា ឆ្នាំ២០២៥ ដោយមានប្រមាណ ១៣០ប្រទេសចូលរួម។ លោកឧកញ៉ា វណ្ណ សុខហេង បានបញ្ជាក់យ៉ាងដូច្នេះ «នៅក្នុងខេត្តព្រះសីហនុ ក៏មានជនជាតិឥណ្ឌូនេស៉ីច្រើន។ អីចឹងជាឱកាសមួយ ដែលពួកខ្ញុំចូលរួមពិព័រណ៍នេះ ដើម្បីស្វែងរកការចាប់ដៃគូ ជាពិសេសគោលបំណងចង់ទាញវិនិយោគិនឥណ្ឌូនេស៉ី វិនិយោគនៅខេត្តយើង ដើម្បីបង្កើតការងារឲ្យបានច្រើន និងជំរុញការនាំចេញ»។ លោកឧកញ៉ា មានសុទិដ្ឋិនិយមថា បើកាលណាកម្ពុជាផលិតបានផលិតផលច្រើននោះ កម្ពុជាក៏អាចនាំចេញទៅប្រទេសឥណ្ឌូនេស៉ី។ ជាមួយគ្នានះ អាចបង្កើតការងារនៅក្នុងស្រុក កាត់បន្ថយពលករចំណាកស្រុក និងកាត់បន្ថយការនាំផលិតផលចូលផងដែរ។ សូមជម្រាបថា ពិព័រណ៍ពាណិជ្ជកម្មអន្តរជាតិ ឥណ្ឌូនេស៉ី លើកទី៤០ បានបើកជាផ្លូវការ នាថ្ងៃទី១៥ ខែតុលា ឆ្នាំ២០២៥។ ព្រឹត្តិការណ៍អន្តរជាតិប្រចាំឆ្នាំនេះ រៀបចំដោយក្រសួងពាណិជ្ជកម្មឥណ្ឌូនេស៉ី ក្រោមប្រធានបទ «ស្វែងយល់ពីឧត្តមភាពរបស់ឥណ្ឌូនេស៊ី៖ ពាណិជ្ជកម្មលើសពីព្រំដែន»។ […]